ନୂଆଦିଲ୍ଲୀ/ତେହରାନ, 13 ମାର୍ଚ୍ଚ (ହି.ସ.)- ଭାରତ-ଇରାନର ବିଦେଶମନ୍ତ୍ରୀମାନଙ୍କ

ମଧ୍ୟରେ ଟେଲିଫୋନ୍ ଯୋଗେ ଆଲୋଚନା ହୋଇଛି। ଆମେରିକାଓ ଇସ୍ରାଏଲସହିତ ବଢ଼ୁଥିବା ବିବାଦ

ପରିପ୍ରେକ୍ଷିତରେ ଏହି ଆଲୋଚନାରେ ଅଞ୍ଚଳୀୟ ଓ ଆନ୍ତର୍ଜାତୀୟ ପରିସ୍ଥିତି ଉପରେ ଚର୍ଚ୍ଚା ହୋଇଛି।

ବିଦେଶମନ୍ତ୍ରୀ ଏସ ଜୟଶଙ୍କରଶୁକ୍ରବାର ଏକ୍ସ ମାଧ୍ୟମରେ ଏହାର

ସଂକ୍ଷିପ୍ତ ସୂଚନା ଦେଇଛନ୍ତି। ସେ କହିଛନ୍ତି ଯେ ଗୁରୁବାର ରାତିରେ ଇରାନର ବିଦେଶମନ୍ତ୍ରୀ ସୟିଦ

ଆବାସ ଅରାଘଚିଙ୍କସହିତ ପୁଣିଥରେ ଆଲୋଚନା ହୋଇଛି। ଦ୍ୱିପକ୍ଷୀୟ ବିଷୟ ସହିତ ବ୍ରିକ୍ସସମ୍ପର୍କିତ ପ୍ରସଙ୍ଗଗୁଡିକ ଉପରେ ମଧ୍ୟ ଆଲୋଚନା ହୋଇଥିଲା।

ଇରାନର ବିଦେଶ ମନ୍ତ୍ରଣାଳୟ ଜାରି କରିଥିବା ବିବୃତିରେ

କୁହାଯାଇଛି ଯେ ଅରାଘଚି ତାଙ୍କ ଭାରତୀୟ ସମକକ୍ଷ ଜୟଶଙ୍କରଙ୍କୁ ଆମେରିକା ଓ ଇସ୍ରାଏଲ ଦ୍ୱାରା

ଇରାନ ବିରୋଧରେ କରାଯାଇଥିବା କଥିତ ଆକ୍ରାମକ ପଦକ୍ଷେପ ଏବଂ ତାହାର ଅଞ୍ଚଳୀୟ ଓ ବିଶ୍ୱସ୍ତରୀୟ

ସ୍ଥିରତା ଉପରେ ପଡୁଥିବା ପ୍ରଭାବ ବିଷୟରେ ସୂଚନା ଦେଇଥିଲେ।

ଅରାଘଚି କହିଥିଲେ ଯେ ଇରାନର ସରକାର, ଜନସାଧାରଣ ଓ ସଶସ୍ତ୍ର ବାହିନୀ

ଆକ୍ରମଣ ବିରୋଧରେ ନିଜସ୍ୱ ବୈଧ ଆତ୍ମରକ୍ଷା ଅଧିକାର ବ୍ୟବହାର କରିବା ପାଇଁ ଦୃଢ଼ସଙ୍କଳ୍ପିତ। ସେ

ଅଞ୍ଚଳୀୟ ଓ ଆନ୍ତର୍ଜାତୀୟ ସଂସ୍ଥାମାନଙ୍କୁ ଇରାନ ବିରୋଧରେ ସାମରିକ ଆକ୍ରମଣକୁ ନିନ୍ଦା କରିବାର

ଆବଶ୍ୟକତା ଉପରେ ମଧ୍ୟ ଜୋର ଦେଇଥିଲେ।

ଇରାନର ବିଦେଶମନ୍ତ୍ରୀ ବହୁପକ୍ଷୀୟ ସହଯୋଗର ମଞ୍ଚ ଭାବେ

ବ୍ରିକ୍ସର ଗୁରୁତ୍ୱ ଉଲ୍ଲେଖ କରି କହିଥିଲେ ଯେ ବର୍ତ୍ତମାନ ପରିସ୍ଥିତିରେ ଏହି ମଞ୍ଚ ଅଞ୍ଚଳୀୟ ଓ

ବିଶ୍ୱ ସ୍ଥିରତା ଓ ସୁରକ୍ଷା ପାଇଁ ରଚନାତ୍ମକ ଭୂମିକା ନିଭାଇବା ଉଚିତ।

ଉଲ୍ଲେଖନୀୟ ଯେ ପଶ୍ଚିମ ଏସିଆରେ ସାମରିକ ସଂଘର୍ଷ ଆରମ୍ଭ

ହେବା ପରେ ଡ଼ା. ଜୟଶଙ୍କର ଓ ଅରାଘଚିଙ୍କ ମଧ୍ୟରେ ଏହା ଚତୁର୍ଥ ଆଲୋଚନା। ପଶ୍ଚିମ ଏସିଆର ସଙ୍କଟ

ମଧ୍ୟରେ ଷ୍ଟ୍ରେଟ ଅଫ୍ ହାର୍ମୁଜମାଧ୍ୟମରେ ବ୍ୟାପାରିକ ଜାହାଜ ଯାତାୟାତ ପ୍ରଭାବିତ ହେଉଛି।

ପୂର୍ବତନ ଆଲୋଚନାରେ ବିଦେଶମନ୍ତ୍ରୀ ଜୟଶଙ୍କର ତାଙ୍କ ଇରାନୀ ସମକକ୍ଷଙ୍କ ସହିତ ବ୍ୟାପାରିକ

ଜାହାଜମାନଙ୍କ ସୁରକ୍ଷା ଏବଂ ଉର୍ଜା ସୁରକ୍ଷା ସମ୍ବନ୍ଧୀୟ ପ୍ରସଙ୍ଗ ଉଠାଇଥିଲେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା