ନୂଆଦିଲ୍ଲୀ, 26 ଏପ୍ରିଲ (ହି.ସ.)। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର

ତାଙ୍କର ମାସିକ ରେଡିଓ କାର୍ଯ୍ୟକ୍ରମ ‘ମନ କି ବାତ୍’ରେ ଦେଶର ଶକ୍ତି କ୍ଷେତ୍ର ସହ ସମ୍ବନ୍ଧିତ

ଦୁଇଟି ବଡ଼ ସଫଳତାର ଉଲ୍ଲେଖ କରିଛନ୍ତି। ସେ ତାମିଳନାଡୁର କଳପକ୍କମରେ ଅବସ୍ଥିତ ଫାଷ୍ଟ ବ୍ରିଡର

ରିଆକ୍ଟର କ୍ରିଟିକାଲିଟି ହାସଲ କରିଥିବା ପାଇଁ ବୈଜ୍ଞାନିକମାନଙ୍କୁ ଅଭିନନ୍ଦନ ଜଣାଇଛନ୍ତି।

ସେହିପରି ପବନ ଉର୍ଜା କ୍ଷେତ୍ରରେ ଦେଶର ଉତ୍ପାଦନ କ୍ଷମତା 56 ଗିଗାୱାଟ୍ ପର୍ଯ୍ୟନ୍ତ ପହଞ୍ଚିଥିବା ସଫଳତାକୁ ମଧ୍ୟ

ଉଲ୍ଲେଖ କରିଥିଲେ।

ପ୍ରଧାନମନ୍ତ୍ରୀ ‘ମନ କି ବାତ୍’ର 133ତମ ଏପିସୋଡ୍ରେ

ଭାରତର ପରମାଣୁ ଉର୍ଜା କ୍ଷେତ୍ରରେ ଏହି ଗୁରୁତ୍ୱପୂର୍ଣ୍ଣ ସଫଳତା ବିଷୟରେ କହିଛନ୍ତି ଯେ ତାଙ୍କୁ

ମାର୍ଚ୍ଚ 2024ର ସେହି ମୁହୂର୍ତ୍ତ

ସ୍ମରଣ ହେଉଛି, ଯେତେବେଳେ ସେ କଳପକ୍କମରେ

ରିଆକ୍ଟରର କୋର ଲୋଡିଂର ସାକ୍ଷୀ ହୋଇଥିଲେ।

ପ୍ରଧାନମନ୍ତ୍ରୀ କହିଛନ୍ତି ଯେ ଏହି ସଫଳତା ଭାରତର ପରମାଣୁ ଉର୍ଜା

ଯାତ୍ରାରେ ଏକ ଐତିହାସିକ ମାଇଲଷ୍ଟୋନ୍। ଏହି ରିଆକ୍ଟର ପୂର୍ଣ୍ଣ ଭାବେ ସ୍ୱଦେଶୀ ପ୍ରଯୁକ୍ତିରେ

ନିର୍ମିତ, ଯାହା ଦେଶର

ବୈଜ୍ଞାନିକ କ୍ଷମତା ଓ ଆତ୍ମନିର୍ଭରତାକୁ ପ୍ରଦର୍ଶନ କରେ।

ଏହାସହ ପ୍ରଧାନମନ୍ତ୍ରୀ ଦେଶର ବିଭିନ୍ନ ରାଜ୍ୟରେ ପବନ ଉର୍ଜା କ୍ଷମତା

ବିସ୍ତାର ବିଷୟରେ ମଧ୍ୟ ସୂଚନା ଦେଇ କହିଛନ୍ତି ଯେ ଗତ 1 ବର୍ଷରେ ଦେଶ 6 ଗିଗାୱାଟ୍ କ୍ଷମତା ବଢ଼ାଇଛି। ଏହାର ଫଳରେ ଦେଶର ପବନ

ଉର୍ଜା ଉତ୍ପାଦନ କ୍ଷମତା 56 ଗିଗାୱାଟ୍

ପର୍ଯ୍ୟନ୍ତ ପହଞ୍ଚିଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା